Ao amparo do acordo de colaboración que o Colexio mantén con Cruz Vermella, as compañeiras economistas Irene Aguiar e Patricia Muñoz impartiron as charlas formativas de orientación sobre “Nóminas e Liquidacións” e “Contratos e Economía Mergullada” na sede que Cruz Vermella ten en Ourense, dirixidas a persoas en proceso de procura de emprego que participan nos diferentes Proxectos do Plan de Emprego de Cruz Vermella Ourense, formación que sen dúbida lles axudará á hora de acceder a un emprego.

A actividade enmárcase no proxecto Reto Social Empresarial, que conta co financiamento do Goberno de España e do Fondo Social Europeo a través do Programa Operativo de Inclusión Social e Economía Social (POISES).