Hoxe, venres 23 de setembro de 2022, publicouse a convocatoria dos Premios TFG José Manuel Pérez Canle coa participación da Facultade de CC. Empresariais e Turismo de Ourense e o Colexio de Economistas de Ourense. 

As bases, a composición do xurado, o procedemento de adxudicación dos premios e a forma de inscrición, atópanse publicados na páxina web da Facultade de Ciencias Empresariais e Turismo de Ourense (http://www.fcetou.uvigo.es/) así como na do Colexio de Economistas de Ourense (http://www.economistasourense.info/). O prazo de presentación dos traballos finaliza ás 14:00 horas do 11 de outubro de 2022.

O día 31 de outubro de 2022 faranse públicos os nomes dos premiados a través desta mesma web e da Facultade de CC.EE. e Turismo de Ourense. Na semana do 14 ao 18 de novembro, terá lugar un acto institucional coa participación das entidades colaboradoras, no que se efectuará a entrega dos premios. A data e hora do acto comunicarase a través de ambas as institucións.